𝐖𝐡𝐚𝐭 𝐢𝐬 𝐏𝐫𝐨𝐱𝐦𝐨𝐱 ?

 Proxmox ဆိုတာက Open Source Virtualization Hypervisor ထုတ်တဲ့ နည်းပညာကုမ္ပဏီတစ်ခုပါ။ VMware ရဲ့ Hypervisor ဖြစ်တဲ့ ESXi လိုမျိုး အလုပ်လုပ်ပါတယ်။ Proxmox ရဲ့ Hypervisor ကိုတော့ PVE (Proxmox Virtual Environment) လို့ခေါ်ပါတယ်။Proxmox မှာတော့ VM ရော Container ပါ Hypervisor Level မှာ create လုပ်လို့ရပါတယ်။ PVE ဟာ GNU AGPL v3 အောက်မှာ လိုင်စင်ဝင်ထားတာမို့ Download free ဆွဲလို့ရသလို လက်တွေ့လုပ်ငန်းခွင်မှာအသုံးပြုချင်လည်း အခမဲ့ပါပဲ။ PVE ရဲ့ OS က Debian 64 bit ပေါ် မှာ အခြေခံပါတယ်။ Installation လည်းလုပ်ရတာ လွယ်ကူပါတယ်။ 

License အပိုင်းမှာလည်း Technical Support လိုချင်တဲ့အခါမျိုးမှာမှ ဝယ်ယူနိုုင်တဲ့ Support Subscription Plan တွေပဲရှိပါတယ်။ Microsoft တို့ VMware တို့လို Core based/CPU based ဆိုပြီး Hardware ပေါ်မူတည်ပြီး ဝယ်ရတဲ့ License မျိုးမရှိပါဖူး။ နောက်တစ်ခု Proxmox ဟာ PVE ပေါ်က VM တွေ အတွက် Backup ပြုလုပ်နိုင်ဖို့ ကိုယ်ပိုင် Backup Solution တစ်ခုကို beta version အနေနဲ့ ထုတ်လုပ်ထားပါတယ်။ Proxmox Backup Server လို့ခေါ်ပါတယ်။ ခုလက်ရှိ Enterprise Level Backup Solution တွေပေးနေတဲ့ Veeam ကလည်း Proxmox ကို support လုပ်ပါတယ်။

Storage Protocol တွေဆိုလည်း File level အနေနဲ့ ZFS,NFS,CIFS,GlusterFS တွေရမယ်။ Block Level အနေနဲ့ Ceph/RBD,iSCSI,ZFS over iSCSIတွေရမယ်။ Proxmox က Linux based ဖြစ်တဲ့ အတွက် ZFS/GlusterFS/Ceph စတဲ့ Linux storage ပိုင်းမှာ အသုံးပြုတာများတဲ့ protocol တွေကို support လုပ်ပါတယ်။ OpenStack တွေဘာတွေလေ့လာဖူးသူတွေ အတွက်ဆိုလည်း Ceph က မစိမ်းပါဖူး။

Download ဆွဲမယ်ဆိုရင်တော့ Proxmox VE 6.2 ကို သာ ဆွဲပါ။ Latest version ဖြစ်လို့ပါ။

Support Subscription - https://www.proxmox.com/en/proxmox-ve/pricing

Documents - https://pve.proxmox.com/pve-docs/

ISO - https://www.proxmox.com/en/downloads/category/iso-images-pve